شي نكيتات من الارشيف

قاليك هادي واحد النملة تفركسات و قادات لحالة و خرجات تسارا غادية و هو ينق عليها خنفوس ماداتها فيه واحد الشوية نق عليها ضفدع ما حاشاتها ليه واحد الشوية نق عليها سراق الزيت و هي تقول ليه ما ديتها كاع فالكوير و الميليتير نديها فزيرزي (واحد نوع ديال الثوب رقيق ورخيص كيتستعمل غير باش يتبطنو لحوايج)
: قاليك هدا واحد السيد عندو كروصة جارها حمار تيبيع فيها مطيشة و غادي تيقول ماطيشششا لحمار غير تيسمع ديك شششا و تيوقف تيقوليه رررا و يزيد غير يقول مطيشششا لحمار يوقف تاعيا السيد و هو يبدا يقول ماطيررررررررا
lol!

قاليك هادا جوج مشاو لعسكر فالتدريب وارا ليهم هاداك لي غيدربهم الراية و سول الاول اشناهي هادي قاليه الراية و هو ينزل عليه بواحد التسرفيقة هادي امك هادي اباك هادي اختك هادي خوك ولد بنتك اخوالك اعمامك ..... داز عند التاني و سولو اشناهي هادي قاليه عائلتنا
lol!

قاليك هادا واحد غادي على موطور مكسيييييييييري واحد الشوية جاه البرد قلب الدجاكيطة و دار السلسلة لور شوية قلب الكاسكيطة و بقا غادي مكسيري تاقرب لحدا واد الدوار و هو يتقلب تجمعو عليه مالين الدوار مال هادا اش وقع اش كاين واحد شوية و هو يدور فيهم واحد : وا دورو بعدا لسيد راسو راه تقلب.
lol!

هادا واحد السيد تيقلب على صيدلية واحد الشوية بانت ليه وحدة مكتوب عليها صيدلية البركة دخل و هو يلقا كلشي فيها كبير اسبرو قد الطبسيل القرعة د السيرو قد القرعة دبيبسي الشوكة دوبل ديال الحجم العادي....
سولو مول الصيدلية اش حب الخاطر
قاليه لا والو غير كنت باغي قويلبات و لكن دابا غيرت رأيي
lol!

قاليك هادو واحد جوج معاكيز تحرقات ليهم البولة و بقاو مدابزين شكون غايمشي يجيبها فللخر تافقو يمشيو بجوج
فاش جابوها بقاو تاني مدابزين شكون غايركبها فللخر تافقو باش واحد يتحنا ولاخر يطلع فوق ظهرو و يركبها
حسب الاتفاق واحد تحنا و لاخر طلع فوق ظهرو و بقا شاد البولة صاحبو شافو طول قاليه ايوا ياللاه ركبها و نزل قاليه انا راه شادها خاصك نتا تدور ههههههههههه (ما فيه ما يدور ايدو)

راه من الارشيف و لكن مازال تيضحكوني انا بعدا
ايلا عجبوكم نزيدكم و ايلا ما عجبوكم ما عندي ما ندير في كل الاحوال شي دعيوة من عندكم راني محتاجة ليها فهاد النهار المبارك